طفولة دون رحمة

إب نيوز ٥ فبراير
كل يوم بدور سيارتي وبتنقل بحكم شغلي واكتر مشهد بشوفو كل يوم كان طقس ماطر او مشمس بشوف أطفال ما بيتعدى عمرن 8سنين و10 سنين حاملين أكياس وعم يفتشو على طول طريق الاتوستراد او طريق الفرعية البحرية على تنك أو اي شي بيلاقوا واذا بتتأمل وجوه الاطفال وجسمن النحيل الهزيل من الفقر بتكون على يقين أنو بناموا بلا عشى وقفت سيارتي ونزلت قلتلو للطفل يعطيك العافية يا بطل .طلع فيي وابتسملي ابتسامة خجولة سئلتو أنت بتشتغل أنو بتلم تنك وخردة جاوبني وقال اي وأستأذنتو احكي معو شوي لانو وقفتو شوي عن شغلو رح تقولولي أنو طفل فقير واد ابني كيف أستاذنوا رح جاوبك وقول لانو هوي من البشر وهوي طفل صح بس بنظري رجال وحامل مسؤالية ..سئلتو أدي بتبيع الكيلو .
جاوبني وقال ..خمسة الااف ل ل
رجعت سئلتو أدي بدك وقت حتى تجمع كيلو تنك .جاوبني وهوي حزين ..صدقي خالتو مرات يومين حتى جمع كيلو تنك ..يعني هيدى الطفل بيبرم كل النهار تحت الشتى والشمس وجوعان كرمال الفان وخمس مية ليرة ( 2500) معي حق قلو بطل لانو جبل من الصبر وهوي بهيك عمر .بس انتو يا مسؤالين شي مرة طلعتوا انتو ومارئين على هول الفقراء المعترين ويا مشايخ اصحاب العزايم والمنابر والمواعظ شي مرة نزلت من سيارتك وتنازلت شوي وتواضعت شوي وتحننتو عليهن .
رح كفي القصة ..سئلتو كمان أنت من وين قال من منطقة فوق بلدة الغازية وانو أمو مريضة وهوي الكبير لانو بيو توفى ..رحعت سئلتو انت لبناني ⁉️ضحك وجاوب لبناني اي ..سئلتو ممكن اشتري لي معك تنك ..سئلني انت بتبيعيهن قلتلو اي ..عطاني الاكياس وعطيتو حقن ..بس مش صدقة لاء ..لاء..لانو طفل برئء وشريف ..اشتريتن منو حتى يعرف أنو مال الحلال هوي بيرضي الله وعم شجعوا على انو يشتغل بي مال الحلال ..تحية الك يا ابني وتشرفت فيك والله يبعتلك ولاد حلال ..لانك لو ما ابن حلال كنت رحت سرقت اضعاف من الفان وخمس مية ليرة لي بتشقى كل النهار لترجع تعطيهن لامك ..ملاحظة حق ربطة خبز هول خبز حااف .
الله ينتقم من كل ظالم ظلم الشعب اللبناني واطفالوا البريئة .

تقرير الناشطة مريم دولابي
يا شعب لبنان العظيم منرفض نحنا نموت هيك قالت الفنانة جوليا بطرس بس كل يوم عم نموت الف والف موتة من جشعكن